星期五, 3月 09, 2012

抓背(含粗俗對話)


爸媽的相處模式,總會嚇壞初相識的人。

最近,媽飲醉了在回家途中跌傷,還搞得骨膜炎再臨,間中抽著痛時,臉容扭曲,鬧極大情緒,突然走得慢慢的。

媽:(在天橋走向茶樓的路上)你老味! 真係好X痛!
爸:你咪X扮野啦!你老母尋晚出去飲酒果時都不知幾健步如飛,依家就扮X晒野。
媽:我XXXX啊! 咩扮X晒野啊?我尋晚邊有飲酒啊?我一滴酒都無飲啊!
爸:一落樓下就唔見左你,轉個頭之嘛,行出去行得咁X快!
媽:我出去收錢渣,你老闆!

上茶樓後回家去。

媽:(突然)哎啊……(然後走得很慢)
爸:X! 頭先食野又唔見你痛,去食去飲就唔X痛既!
媽:(對我說)你老豆真係好X賤架! 佢無試過骨膜炎佢唔知人地點痛既……

走到半途……

媽:哎啊,背脊痕!
爸:(立即伸手幫爸抓背)係咪呢度啊?
媽:左D、左D、上少少,係喇係喇,嘩(很爽的聲音)。

差不多回到家……

媽:得啦,你果過去打牌啦(和家附近的朋友)。
爸:唔X去啦。
媽:我一陣食左藥都瞓架啦,你咪過去打牌囉。
爸:X! 唔X打啦。

回家後,爸在房中上網。因為他真的超大聲,我無意中聽到他談電話。「唔打喇,肥婆(媽媽)跌親啊!跌到豬頭喇叭嘴咁……」

這便是爸媽的默契。

7 則留言:

  1. 真係嚇壞了。 :D

    我一直以為斯文的小C生長於斯文的家庭....估唔到哦

    不過夫妻間這樣對話..如果不是很熟對方個性,有時都幾傷感情..

    回覆刪除
  2. 小豬:你也可以! 爛口d便ok! haha!

    卡臣:如實記錄。

    selina:中三時,一班同學來我家玩,見過我父母後…… 第二天,一個男同學對我說:「估唔到你阿媽係個咁既人」哈哈,講到像我媽犯了強姦罪咁。

    回覆刪除
  3. 你媽媽會在你同學面前爆粗..?

    wakaka..呢位autie好爆。

    回覆刪除
  4. 爆粗係小事喇。

    在我中三時,她當著我的同學面前,叫我唸小六的弟弟做事……

    「幫我出去dup隻麻雀game(當時她喜歡打機),要剝衫果隻」

    回覆刪除
  5. A sweet couple...... = )

    回覆刪除