星期三, 4月 11, 2012

錯誤的表達源於恐懼

每年近清明,或是間中提到拜祭或死亡這話題,老媽總讓我覺得她的內心在抓狂。買東西時、遇到朋友時、沒話題時,總會絮絮不休。

例如今天對婆婆說:我未死都仲有人拜下(祖先),第時你死左我都仲會拜你,到我死左就無人拜你架喇,我都無人拜架喇。食香啊?食電子香啦你﹗唉,生時唔孝順,死左孝順都無用啊。第時d人仲點會拜山丫,碑都唔使同我立喇。(咁其實你即想唔想人拜你jei……)哎,灑去海,哎,都係唔好,個海咁恐佈,我都唔想做水鬼啊。灑去果個紀念公園啦,起碼可以日日見陽光……(下刪幾萬字)

老爸輕輕說:係啊可?生朵花都靚d啊可?驚個海深咪灑去峇里囉,d水到膝頭之嘛,d珊湖不知幾靚啊。

這類說話,大概不少人在上一輩身邊時聽過。我們聽得多了,有時會自然地將自己的世界變靜音,讓她發洩發洩。她那番話,矛盾的地方多,常常聽,有時令人無所適從,煩躁不堪。

說實在,我明白,錯誤的表達源於恐懼。

願我們都能學會點什麼。

沒有留言:

張貼留言