星期五, 6月 21, 2013

老師的金句

射擊中班剛開始不久,又快到尾聲了(!)。對啊,一個課程只有四節課,彷彿一眨眼便上完。

其他的先不說,和大家分享一下我那可愛的老師的金句。

- (瞄準後持槍30秒練習的魔鬼教練口吻) 得既得既,一定得,就黎得喇……做得到既你地……
- 識唔識轉身架你地,企岩個自然指向對腳就痴實咪郁啦,轉身都拎到彈架下話?
- 射咁快趕住去買餸啊?
- 嘩! 你個快槍手丫! (男同學陰陰嘴笑,我禁不住說:話人快槍手真係敏感啊!)
- 拿,射左半堂拎返個感覺,大部分人表現都唔錯喇,呢一round大家要射出自己既風采喇! (我控制不到自己想起《血染的風采》呢個歌名)
- 射果時要咩都唔好諗,個腦一片空白,冥想! 冥想啊!(我一度聾貓上身,「下?影相?」同學沒好氣說:「冥想啊」)
- 休息10分鐘,唔好鬥(枝)槍啊!(我對同學說,每次聽到「唔好鬥槍」,我都不能自控地浮出西部牛仔的畫面)

老師真的十分可愛!

沒有留言:

張貼留言